A covid19 deixa un novo falecido na provincia. Así o revela o último informe do SERGAS con datos recabados ata as 6 da tarde de onte e que cifra en 214 as persoas que finaron polo virus dende o inicio da pandemia.
Con todo, non todo son malas novas e é que nas últimas horas a cifra de novos contaxios mantívose en 8 positivos detectados, os mesmos que no día anterior. Un dato que sumado ás 12 altas médicas recibidas onte, deixan a cifra de casos activos en 223 persoas, 3 menos que na xornada anterior.
Descende tamén a presión asistencial logo do falecemento dun home de 78 anos na UCI do HULA. Así, en unidades convencionais continuan 5 persoas, 4 no Lucus Augusti e 1 no Hospital de Monforte, mentres que na unidade de coidados intensivos do HULA permanece hoxe un paciente covid.
