Esta madrugada os axentes do Grupo Operativo Nocturno localizaron a situación dun depósito de residuos en Camiño de Anguieiro, zona sobre a que se viña realizando vixilancia desde o pasado mes de outubro, cando os locais sorprenderon a un individuo realizando unha queima de restrollos sen autorización.
Naquel momento, o individuo foi denunciado pola falta de permiso para realizar a queima referida. Esta noite, ademais, os axentes formuláronlle unha denuncia por infracción á Lei de Residuos e Chans Contaminados de Galicia, xa que almacena no lugar chasis de automóbiles, restos de electrodomésticos e residuos varios.
