Detido en Lugo un home de 30 anos por agredir á súa mai

A Policía Local vén de deter a un home de 30 anos de idade veciño da cidade de Lugo acusado dun presunto delito de agresión e ameazas contra a súa mai coa que convive. Os feitos tiveron lugar o pasado venres en torno ás 6 da tarde, cando a Policía Local reciiae a chamada dunha muller, en estado de nerviosismo manifestando que está a ser agerdida polo seu fillo. 

Acto seguido, dúas dotacións policiais e unha de atestados acoden ao lugar, onde, antes de entrar no piso poden escoitar á muller chorando e a un home gritando moi alto. Segundo o informe policial un dos axentes entrevístase a soas coa muller, que seguía en estado de nerviosismo, indicandolle esta que vive soa co seu fillo que, chega bébedo á casa e ponse agresivo con ela. En palabras da muller, o fillo insúltaa e ameázaa diariamente. No momento da chamada, segundo a muller, o detido non a agredira, pero si que se puxera moi agresivo. A muller, de 50 anos de idade, rexeitou asistencia médica e indicou aos axentes que máis tarde presentaría a correspondente denuncia.

Detención a gorrilla

Doutra banda, a Policía Local detivo tamén o sábado a un gorrilla de 43 anos de idade, por ameazar e coaccionar a un condutor que aparcou o seu vehículo nas inmediacións do Hula. Ademáis, ante a desobediencia aos axentes aos que tamén ameazou de morte e agrediu físicamente, o detido é trasladado a dependencias policiais.