Estación de autobuses de Lugo. Foto libre de dereitos.A través dun comunicado emitido polo Partido Popular da Provincia de Lugo, a formación apunta a decisión do Executivo central ao respecto do mapa concesional de transporte regular en autobús, que “desconecta a Galicia e castiga á provincia de Lugo” con respecto á conexión con outros puntos de España.
Na provincia, son dez os municipios que perderían o servizo por completo, de se manter o mapa proposto. Trátase de Baralla, Chantada, O Corgo, Guitiriz, Meira, Monterroso, As Nogais, Palas de Rei, A Pontenova e Quiroga.
José Manuel Barreiro, José Manuel Balseiro e Juan Serrano Cámara, senadores populares lucenses explicaron nunha reunión cos alcaldes e portavoces dos concellos afectados que o Senado aprobou unha iniciativa coa que sería posible instar ao Goberno un novo mapa concesional de transporte regular en autobús para “corrixir a discriminación aos pequenos concellos do rural”.
