Dúas persoas resultaron feridas esta tarde en Lugo despois de chocar tres vehículos que circulaban pola Praza Fonte Dos Ranchos, á altura do cruce da Rúa Quiroga.
Tras recibir o aviso dun particular, sobre as 15:30 horas, o 112 Galicia informou decontado ao Servizo de Urxencias Sanitarias de Galicia-061, que confirmaron o traslado dos dous feridos ao centro hospitalario de referencia.
Así mesmo, o 112 Galicia puxo os feitos en coñecemento dos axentes da Policía Local, dos efectivos de Protección Civil e dos Bombeiros da cidade.
