A N-634, ao seu paso por Vilalba, rexistrou unha colisión frontal entre dous turismos, que se saldou con dúas persoas feridas de gravidade.
Ambos os dous implicados sufriron a perda de consciencia como consecuencia do impacto, que os bombeiros calificaron como “bastante forte”.
Malia a mobilización dunha dotación, os efectivos do parque comarcal comprobaron que os ocupantes dos vehículos estaban liberados e accesibles, polo que colaboraron co equipo médico na estabilización dos feridos, especialmente debido á perda de consciencia que padeceron.
A activación deste operativo produciuse ás 23 horas da noite pasada, logo de recibir o 112 Galicia a chamada de alerta dunha persoa particular. Segundo explicou, ambos os dous coches bateron de fronte e quedaron no medio da estrada, en Sancovade. Quizais pola dureza do golpe, quen alertou pensou que habría persoas atrapadas dentro dos coches, polo que os xestores do 112 avisaron aos Bombeiros de Vilalba. Tamén aos profesionais de Urxencias Sanitarias de Galicia-061, aos da Garda Civil de Tráfico e a un equipo de limpeza e mantemento do Ministerio de Fomento.
Finalmente, os feridos foron evacuados ao centro hospitalario de referencia despois de seren estabilizados polo equipo médico e tras sufriren a perda de consciencia.
