O Centro Integrado de Atención ás Emerxencias (CIAE) 112 Galicia vén de rexistrar máis de 1000 incidencias debido aos fenómenos meteorolóxicos adversos por costeiros, vento e choivas de nivel laranxa que están a afectar a nosa comunidade entre as 00:00 do día 18 e as 08:00 horas de hoxe.
Por provincias, Lugo foi a menos afectada con 92 incidencias. A caída de árbores e pólas en vías de circulación, actuacións de prevencións de risco, anegamentos en vivendas e estradas, obxectos varios nas estradas, postes, restos de cables da luz e do teléfono nas calzadas , foron as incidencias que máis se repetiron.
En canto aos concellos, destacan na nosa provincia o concello de Lugo (10), Monforte (9), Mondoñedo e Pantón (7) respectivamente e o concello de Chantada que rexistrou (6) incidencias.
