Varias asociacións de pensionistas da cidade participaron no encontro, no que o cabeza de lista ao Congreso do PSdG-Psoe por Lugo José Ramón Gómez Besteiro , xunto co candidato ao Senado Cesar Mogo explicaron que “o aumento aprobado polo Goberno de Pedro Sánchez, e que xa é visible nas contas dos lucenses, permitirá aos pensionistas recuperar poder adquisitivo ao cobrar unha media de 77 euros máis ao mes, un aumento que tardaría 34 anos en producirse se as pensións seguisen aumentando ao ritmo do 0,25% que aplicaba o Partido Popular”. Desta forma, os pensionistas lucenses, recibirán este ano 113 millóns de euros máis, chegando a unha contía total de 1.443 millóns.
Grazas a esta decidida aposta, explicou Gómez Besteiro, os 113.304 pensionistas lucenses, o 35% da poboación total da provincia, o que permitiu “seguir dignificando as pensións nunha provincia como a nosa, na que teñen un impacto real na economía, no territorio e no sustento das súas familias”.
Nesta liña, Gómez Besteiro destacou que “os socialistas sempre confiamos no sistema de pensións público, facéndoo sostible e subindo a súa contía, mentres que o Partido Popular aposta por sistemas privados que acababan enriquecendo, como sempre, aos seus amigos”. Besteiro lembrou que, “tanto o BNG coma Feijóo rexeitaron esta suba das pensións votando en contra da aprobación dos Orzamentos Xerais do Estado”.
Para os socialistas “o mantemento e a revalorización das pensións é unha prioridade absoluta para o Goberno, o investimento en pensións en Galicia é agora de 785 milllones de euros mensuais, o que significa que neste 2023, o desembolso anual en prestacións contributivas será de once mil millóns de euros, mil millóns máis que o pasado ano”, sinalaron.
Os candidatos socialistas concluiron que “se os pensionistas de Lugo gozan hoxe da pensión máis alta dos últimos anos é porque o Goberno de Pedro Sánchez optou por protexer a toda a cidadanía. Mentres, o PP o único que busca é crear incertezas e recortar dereitos”.
