Este luns arrinca nas residencias de maiores a campaña de vacinación da covid e a gripe en toda a provincia. Unha vez vacinados todos os maiores de residencias e o persoal que os atende e coida que se prevé que dure ao redor de 15 días, comezará a vacinación a domicilio, é dicir, a todas aquelas persoas inmobilizadas e aos seus coidadores.
A partir do 14 de outubro será a quenda dos maiores de 80 anos e persoas inmunodeprimidas que recibirán as súas vacinas nos centros de saúde. Por esta data tamén se vacinará a todo o persoal sanitario de centros públicos e privados.
E xa a partir do 26 de outubro abriranse os grandes centros de vacinación para os pacientes de entre 60 e 80 anos e embarazadas.
