Finalizadas as actividades e accións de “O Nadal en Begonte”, organizadas polo Centro Cultural José Domínguez Guizán, mañá sábado, 1 de febreiro, ás cinco da tarde, no salón de actos do Belén, vaise celebrar o acto de clausura coa entrega de Premios aos galardoados nos certames de Xornalismo, Poesía, Arte e Debuxo Infantil.
Recibirá o título de Socio de Honra do Belén o escritor e profesor lucense, José Carlos Ulloa García, doador á institución da colección de figuras artesás do crego Edelmiro Ulloa, coas que este montou durante moitos anos o Belén do Hospital Xeral de Lugo.
Ao outro Socio de Honra, Román Rodríguez, Conselleiro de Educación da Xunta de Galicia, ao non poder acudir a Begonte neste día, seralle entregado posteriormente.
No acto participarán o Delegado territorial da Xunta de Galicia en Lugo, Javier Arias Fouz; o Xefe provincial de Cultura, Manuel Antonio Fernández Piñeiro, e o Alcalde de Begonte, José Ulla Rocha.
