Esta semana os Codex Cinema estrean os filmes: “A TUTORÍA” e “VERMIGLIO”
“A TUTORÍA”, un drama intenso cunha interpretación brillante de Renate Reinsve que provoca e sobresalta da mellor maneira posible. No pasado Festival de Cannes esta película gañou a Cámara de Ouro Mellor Ópera Prima.
Sinopse: Armand, un neno de seis anos é ac.usado de traspasar certos límites co seu amigo e compañeiro de clase, Jon. Ninguén sabe exactamente o que pasou, así que a dirección do colexio convoca aos pais para discutir o tema. Entón desencadéase un axitado conflito que pon riba da mesa cuestións como a sexualidade na infancia, a complexidade das zonas grises que existen entre a violencia e o xogo.
A outra estrea da semana é a película italiana“VERMIGLIO” . Este filme acadou o Gran Premio do Xurado na pasada edición do Festival de Cine de Venecia. O filme é interpretada por unha mestura de actores profesionais con lugareños, ambientada nunha remota comunidade de montaña na época da Segunda Guerra Mundial
Sinopse: en 1944, en plena Segunda Guerra Mundial, Vermiglio, un pobo de montaña nos Alpes italianos, vive case alleo ao conflito pero a chegada dun soldado desertor altera a enganosa placidez e provoca a aparición de sentimentos reprimidos e inconfesables.
A historia adéntrase na familia do mestre na que todos os seu membros vense encamiñados a un destino inesperado.
