Esta semana chega as pantallas dos Codex Cinema os filmes “MEMORY” e “OS INDESEXABLES”
“MEMORY, un drama conmovedor cunhas actuacións maxistrais de Chastain e Sarsgaard que están á altura dos seus complexos papeis.
Sinopse: Sylvia é unha traballadora social que leva unha vida sinxela e estruturada: dedícase á súa filla, ao seu traballo, ás súas reunións de Alcohólicos Anónimos. Pero todo salta polo aire cando, tras unha reunión de antigos alumnos do instituto, Saul séguea ata a casa. Este inesperado encontro terá profundos efectos na vida de ambos, abrindo a porta ao seu pasado.
A outra estrea da semana é a película “OS INDESEXABLES”, un retrato demoledor da vida obreira en Francia, cunha declaración contra a desigualdade social e racial.
Sinopse: Tras o inesperado falecemento do alcalde da cidade, Pierre, un mozo médico idealista, é elixido para substituílo. Pretende continuar a política do seu predecesor, quen quería recuperar e rehabilitar o vello barrio obreiro. Haby, unha moza francesa de orixe maliana que vive nun dos bloques de pisos en ruínas, négase a que a súa familia sexa expulsada do barrio onde creceu.
