Un axente forestal resultou ferido esta tarde no Incio tras sufrir un accidente co seu vehículo todo terreo. O sinistro tivo lugar nunha pista forestal da zona de Monteagudo.
Segundo se lle indicou ao 112, o home dirixíase cara á Pobra do Brollón. A vítima foi evacuada no helicóptero medicalizado con base en Ourense a un centro hospitalario.
O 112 Galicia tivo coñecemento dos feitos ás 17:40 horas desta tarde. Decontado, o persoal do Centro de Atención ás Emerxencias do 112 informou aos Bombeiros de Monforte, a Urxencias Médicas, a Protección Civil e á Garda Civil de Tráfico.
