Pasaban dez minutos das 18 horas desta tarde cando un particular chamou ao 112 Galicia para alertar sobre este accidente, que se rexistrou no quilómetro 31 da LU-933 na parroquia de Nocedo. No primeiro momento, explicaba que o motorista resultara ferido de gravidade.
De inmediato, desde o 112 Galicia solicitouse a acción de Urxencias Sanitarias de Galicia-061, dos membros do GES de Quiroga-Folgoso do Courel e da Garda Civil de Tráfico.
Finalmente, os servizos de emerxencia confirmaron o falecemento do motorista, un garda civil de 47 anos que pertencía ao destacamento de O Barco de Valdeorras, mentres que os efectivos do GES procederon coas tarefas de limpeza do asfalto.
