Os servizos de emerxencias tratan de rescatar ao condutor dunha escavadora que se precipitou coa máquina por un viaduto da A-6, en Baralla. Os feitos ocorreron no punto quilométrico 464,300 da autovía, sentido Madrid.
Segundo os datos facilitados ao 112 Galicia, o vehículo caeu por un terraplén duns 40 metros.
O 112 Galicia tiña constancia do ocorrido a través da alerta dun particular ás 10:30 horas. Indicaba no seu relato que viu como varios operarios estaban traballando e observou como a escavadora caía á altura do viaduto do río Neira.
Nese momento, o persoal do CIAE 112 Galicia poñía a situación en coñecemento da Garda Civil de Tráfico, dos Bombeiros de Sarria, do GES de Becerreá, do servizo de mantemento da estrada,da Garda Civil e de 061-Urxencias Sanitarias.
