Un home resultaba ferido ao saírse da vía co seu coche e envorcar. Segundo se lle indicou ao 112 Galicia, o varón, que puido saír do interior do turismo polos seus propios medios, foi trasladado a un centro médico.
O sinistro tivo lugar no punto quilométrico 17 da A-54, sentido Santiago. Un particular alertaba do accidente ao 112 Galicia ás 17:30 horas.
De inmediato, dende o Centro Integrado de Atención ás Emerxencias 112 Galicia informouse do accidente ao 061-Urxencias Sanitarias, a Tráfico, á Garda Civil e aos efectivos do GES de Monterroso.
