Unha persoa resultou ferida logo de caer dunha altura de tres metros mentres traballaba no lugar de Piñeiro, en Lugo. Un equipo de Urxencias Médicas desprazouse ao lugar do accidente, que ocorreu pouco antes das seis desta tarde.
Pola súa banda, o persoal do 112 Galicia informou aos axentes da Policía Nacional e aos membros de Protección Civil da cidade que acudiron ao lugar dos feitos a auxiliar ao home ferido.
