Un operario resultou ferido esta tarde en Guitiriz ao precipitarse ao chan dende un tellado. A persoa ferida estaba a traballar nun inmoble próximo á N-VI cando sufriu o accidente laboral.
Segundo o servizo de emerxencias 112, o sinistro tivo lugar contra as catro da tarde. O persoal do CAE 112 Galicia informou a Protección Civil de Guitiriz e á Garda Civil. Urxencias Médicas, pola súa banda, mobilizou até o punto unha ambulancia. O operario foi trasladado a un centro sanitario.
