O Goberno da Deputación pon a disposición do Concello de Riotorto 20.000 euros para a Feira do Ferro. Trátase da mesma cantidade que xa achegou o ano pasado, convertendo á Deputación ese ano na institución pública que máis investiu nesta cita. A cantidade que facilita para este ano forma parte dos 224.132 euros que o Executivo aporta ao municipio de Riotorto, a través do Plan Único da Deputación. Ademais a Deputación tamén colabora coa feira a través da TIC, que elaborará unha reportaxe e un documental coa testemuñas dos ferreiros.
A inauguración oficial da Feira asistiu a Deputada de Economía, Recadación e Facenda, Mayra García Bermúdez. O acto comezou coa lectura do pregón, que este ano correu a cargo do xornalista lucense de TVE, Orestes Currás Ordóñez.
