A Garda Civil de A Pontenova detivo onte ao redor das catro da tarde, en Riotorto, a un veciño de Boiro de 41 anos como presunto autor dun delito de tráfico de drogas.
Esta operación policial, comezou meses atrás, segundo afirmou a Garda Civil, e deu como resultado a detención do presunto autor da venda no interior dun establecemento de ocio na localidade lucense de Riotorto.
Nesta inspección interviñéronse diversas sustancias estupefacientes entre as que había haxís e cocaína preparados para vendas rápidas, segundo asegurou a Garda Civil, e unha báscula de precisión de pequeno tamaño da cal se investiga se se utilizou para o menudeo de drogas dentro do local comercial. No interior da barra do establecemento, os efectivos da Garda Civil atoparon tamén marihuana.
O detido foi posto a disposición xudicial.
