O Deputado de Relacións Institucionais, Álvaro Santos Ramos, e o Deputado de Deportes, Pablo Rivera Capón, xunto con outras autoridades, participaron esta tarde no Estadio Anxo Carro, na homenaxe ao futbolista lucense Pedro Tapia. Álvaro Santos remarcou o inmenso traballo e labor realizado polo lucense para que esta disciplina deportiva progresase.
Por primeira vez nos 34 anos de historia da Copa Deputación de Fútbol, o Executivo Provincial e a Federación Galega de Fútbol, dedican a edición do torneo ao exfutbolista Pedro Tapia.
Tapia, é unha lenda viva do fútbol galego, destacou como un dos mellores centrais do CD Lugo, onde xogou na década dos setenta e oitenta, e tamén militou nas filas do Pontevedra. Actualmente volveu ao club dos seus éxitos, xa que desenrola a súa labor profesional no Estadio Anxo Carro.
