Un ano máis, contando como ubicación o Pazo de Feiras e Congresos de Lugo, o espazo Xuvenlugo abre as súas portas para ofertar actividades de ocio para os máis pequechos da cidade, habitantes e visitantes, durante a época de Nadal. A inauguración tivo lugar a tarde deste xoves, contando coa presenza de diferentes representantes das institucións provinciais.
As instalacións contan con diferentes atraccións, estruturas inchables e unha ampla variedade de xogos para as nenas e os nenos. A oferta estará aberta ao público durante todas as fins de semana dos meses de decembro e xaneiro, correspondendo coas vacacións de Nadal seguindo o calendario académico.
