A Garda Civil detectou un vehículo circulando a 232 quilómetros por hora na Autovía A-6. O condutor, un veciño de Guitiriz está sendo investigado por un suposto delito contra a Seguridade Viaria.
Os axentes do Instituto Armado non puideron detelo nese intre. Con todo, detectaron que o mesmo vehículo circulaba catro horas máis tarde a 170 quilómetros por hora na mesma estrada en dirección Coruña. Momento no que si puido ser detido.
O home alegou que sobrepasaba o límite de velocidade porque tiña présa en chegar a unhas clases.
