Kern Pharma estudia asentarse en Galicia, concretamente no Polígono de Reboredo no Concello de Monforte. Nun encontro de traballo, os responsables da firma do Grupo Indukern expuxeron o seu proxecto que triplicará a súa capacidade produtiva.
A Xunta valorou positivamente esta aposta dun referente mundial na distribución de produtos químicos a través dunha iniciativa que, prevista para 2025, cun investimento inicial de 33 millóns de euros.
Tras a xuntanza, o presidente da Xunta e o Conselleiro de Industria comprometeron o pleno apoio da Xunta ao proxecto, que prevé xerar 50 postos de traballo directos e alcanzará unha produción de 50 millóns de unidades –ampoias e viais, entre outros— na súa primeira fase.
Nun prazo de tres anos, subliñou, a fábrica permitirá distribuír desde Monforte de Lemos ata toda a Unión Europea milleiros de produtos de farmacéuticos, o que axudará a consolidar e visibilizar a fortaleza do sector farmacéutico en Galicia, ademais de dinamizar a economía local. Nesta liña, Rueda apelou á colaboración de todas as Administracións implicadas para levar adiante o proxecto e agradeceu a toda a directiva da empresa, especialmente ao presidente e fundador do Grupo Indukern, José Luis Díaz-Varela, por escoller a súa terra natal para instalar esta planta.
