O adestrador lucense do CB Breogán, Lisardo Gómez, logo da súa saída do club, debido a unha doenza que o obriga a afastarse do baloncesto, asina unha carta de despedida onde agradece ao club, a súa directiva, afeccionados, medios de comunicación, xogadores, compañeiro, amigos … todo o apoio recibido durante estes días.
No comunicado, Lisardo Gómez recorda algúns dos momentos máxicos e inesquecibles como “os playoffs do ano pasado, as mareas celestes a Valladolid e Ourense e coas interminables colas no Pazo dos Deportes”.
E remata o comunicado cun “GRACIAS sempre serei un de vós” e un “Forza Breo!!”.
Dende a redacción de xornaldelugo.com queremos desexarlle a Lisardo Gómez o mellor e moita Forza.
