Os profesionais de Urxencias Médicas confirmaron esta tarde a localización dun cadáver no Río Martiñán, en Vilalba. Segundo explicou o equipo médico, trátase dun home duns 75 anos de idade que faltou da casa a primeiras horas do día.
Os veciños sacaron o corpo da auga sen que fosen necesarios medios de rescate. Igualmente, o persoal do 112 Galicia avisou aos Bombeiros de Vilalba, aos voluntarios de Protección Civil e aos axentes da Garda Civil.
Polo momento, descoñécense as circunstancias que rodearon este suceso.
