A cidade de Lugo sitúase no nivel alto de restriccións nun día no que os novos positivos na área sanitaria de Lugo ascenden a 142 e o número total de casos activos por Covid-19 é de 2.100 . En canto a presión hospitalaria aumenta a tres o número de críticos, dous máis que onte e 28 o número de hospitalizados.
Asemade Burela, Foz, Viveiro e Monterroso pasarán a partir deste sábado a nivel máximo pola incidencia da Covid segundo anunciou o Conselleiro de Sanidade, Julio García Comesaña.
En canto aos datos facilitados pola Dirección Xeral de Saúde Pública da Consellería de Sanidade na súa última actualización, o número de casos activos de coronavirus en Galicia é de 18.535 deles 3.530 son da área da Coruña, 2.223 da de Ourense, 3.041 da de Pontevedra, 4.378 da área de Vigo, 2.378 da de Santiago e 885 da de Ferrol.
Do total de pacientes positivos, 30 están en UCI, 234 en unidades de hospitalización e 18.271 no domicilio. Polo de agora, en Galicia hai un total de 132.502 persoas curadas, rexistrándose 2.453 falecementos.
O número de PCR realizadas é de 2.535.184
O número de doses de vacina contra a covid-19 administradas é de 3.444.305.
