O Concello de Lugo celebrou este sábado, 14 de abril, a proclamación da II República Española, hai 87 anos, cunha ofrenda floral e a lectura dun manifesto na Praza da Soidade, en fronte ao monolito que rende homenaxe á República. Aos actos asistiron varios membros da Corporación municipal, presidida pola Alcaldesa, ademais da Deputada de Promoción Económica e Social, Sonsoles López Izquierdo, e o Deputado de Relacións Institucionais, Álvaro Santos.
A encargada de poñer voz á lectura do manifesto conmemorativo, á que asistiron unha trintena de veciños e veciñas, foi a rexedora.
