A provincia de Lugo supera os 2000 casos activos. Así o revela o último informe do SERGAS, con datos recabados ata as 6 da tarde de onte, domingo, e do que se desprende un importante baixón no ritmo de contaxios, debido, posiblemente, a que durante a xornada de onte non se realizaron os cribados masivos voluntarios; con todo, as cifras de hospitalizacións mantéñense ao igual que o fai o ritmo de altas recibidas.
Así, en cifras, nas últimas 24 horas foron 182 as PCR que resultaron positivas, como dicimos un importante descenso se se compara coas dúas xornadas anteriores nas que se estableceron récords de positivos con 258 contaxiados onte e 274 detectados o sábado.
O número de casos activos, así pois, sitúase hoxe nos 2105, 128 máis que un día antes. Unha suba que, no día de hoxe, non se reflexa na presión asistencial. E é que a área sanitaria continúa a rexistrar 23 ingresados nos distintos centros públicos. Destes, 6 se atopan na UCI do Hula mentres que os outros 17 repártense entre as unidades convencionais dos distintos hospitais comarcais; 11 no Hula, 3 na Mariña e outros 3 no de Monforte.
Dende o inicio da pandemia, curáronse na provincia 20.975 persoas, 54 máis que na xornada anterior. Doutra banda, Lugo rexistrou xa, dende marzo de 2020, 258 falecidos por mor do virus.
