Un incendio declarado a pasada tarde nunha vivenda en Lugo provocou que ardese por completo o salón da casa, sen que ningunha persoa resultase ferida. Os feitos ocorreron na rúa Illa de Man, á altura do número 4.
O 112 Galicia recibía a alerta do incendio ao fío das 18:30 horas, a través dun particular. Indicaba no seu relato que saía moito fume dunha vivenda. Nese momento, desde o CIAE informábase dos feitos aos Bombeiros de Lugo, á Policía Local e a Protección Civil. Unha vez na vivenda, os servizos de emerxencias controlaron e sufocaron o lume.
