Máis dun cento de nenas e nenos participan nos cursos de verán do Parque Infantil de Tráfico

Durante este mes de xullo teñen lugar os cursos de verán nos que participan máis dun cento de nenos e nenas en quendas de mañá e tarde. Os cursos son impartidos polo monitor Jesús Losada e polo director do P.I.T., José Luis Machado e teñen unha parte teórica e outra parte práctica. Esta maña visitaron as instalación Ruben Arroxo e o Concelleiro de Educación, Felipe Rivas, 

Os cursos son semanais e impártense, no horario de mañá, entre as 10:30 e as 13:00 horas, e polas tardes, entre as 17:30 e as 20:00 horas. As nenas e nenos acuden ás instalacións do  Parque Infantil de Tráfico no Parque da Milagrosa. Na parte prácticas as nenas e nenos practican en bicicleta e kart. Tamén haberá unha quenda especial para ciclomotor. Serán un total de 105 participantes, divididos en 7 quendas e as idades van dende os 8 aos 16 anos.

A programación destes cursos está amplamente consolidada no calendario das familias de Lugo, está organizada polo Concello coa colaboración da Dirección Xeral de Tráfico, co obxectivo de que os nenos e nenas adquiran condutas e comportamentos seguros, ben sexa como peóns ou como persoas usuarias tanto do transporte público como privado.