Mañá, venres, 15 de xaneiro, rematan os prazos de presentación de traballos para os certames convocados polo Centro cultural JOSÉ DOMÍNGUEZ GUIZÁN de Begonte, entidade que promove o Belén electónico begontino.
Trátase dos certames de ARTE, XORNALISMO, POESÍA e DEBUXO INFANTIL, convocados a mediados do pasado mes de decembro, con motivo da XLIX edición de O NADAL EN BEGONTE.
Os traballos de Xornalismo, poesía e debuxo infantil poden ser entregados de xeito virtual a través do correo electrónico info@belendebegonte.es, e os cadros para o CERTAME GALEGO DE ARTE han ser entregados persoalmente ou remitidos ao Centro Cultura José Domínguez Guizán.
