O vindeiro sábado, 15 de abril, ás 20:30 horas no restaurate Aira Padrón, terá lugar a presentación da candidata do BNG a alcaldía de Samos que será de novo, a actual concelleira e portavoz municipal María Xesús López “Chus”
María Xesús López declarou “convidamos a todas e a todos a que participen neste acto para que coñezan as persoas que imos na candidatura e coñeza de primeira man as propostas en positivo e de futuro para a veciñanza e deixar de lado as inquedanzas personalistas e sen rigor”
A candidata do BNG á alcaldía de Samos destacou que a candidatura que lidera vai a por todas “estamos covencidas en que Samos ten moito que gañar, con confianza e ambición de conseguir un concello máis xusto e plenamente desenvolvido, e o único proxecto que se presenta ás eleccións deste 28 de maio con ese obxectivo é a candidatura do BNG”, concluíu.
