A actriz lucense Melania Cruz, foi galardoada na XX Edición dos Premios María Casares, celebrada no teatro Rosalía de Castro de A Coruña e retransmitida pola TVG, como mellor actriz protagonista Ex-aequo con Mela Casal, pola obra “Xardín suspenso”, do dramaturgo portugués Abel Neves e dirixida por Cándido Pazó.
A actriz luguesa que comezou a súa andaina como actriz no ano 2004 conta cunha importante carreira, tanto no mudo da escena como do audiovisual.
No mundo das táboas ten participado en montaxes como ¡Ay Carmela!, “El Hombre Almohada” ou Inventarios entre outras.
Asemade no sector audiovisual está a participar en series de tv como Serramoura ou Urxencia Cero e foi a actriz encargada de dar vida a “Raxada” no filme de Ignacio Villar “A Esmorga”, do que foron protagonistas Antonio Durán(Morris), Miguel de Lira e Karra Elejalde.
Sen dúbida, este galardón ven confirmar a calidade interpretativa da actriz lucense, ao o tempo que lle outorga a posibilidade de situarse nun lugar privilexiado de cara a emprender novas xeiras no mundo do teatro, o cinema e o audiovisual.
