Como cada primeiro xoves e venres de mes, Os Microefectos Dramatúrxicos voltan ao Club Clavicémbalo en sesión de tarde e noite. O colectivo pon en escena pezas teatrais de 15 minutos de duración máxima que nos contan historias da vida mesma, para rir, chorar ou o que sexa, cunha escrita directa e actual.
Todas as obras son estreas escritas, dirixidas e interpretadas por membros do grupo.
La cláusula: Escribe David Barreiro e dirixe María Grandío. Interpretan: Anxo Manoel e Rubén Pérez.
Biografías imposibles: Rosalía retornada. Escribe e dirixe Elvira Velasco. Interpretan Conchi Madrina, Brian Rodríguez e Elvira Velasco.
Aluminose: Dirixe e escribe Anxo Manoel. Interpretan María Grandio, Brian Rodríguez e Elvira Velasco.
Que corra a homeopatía-chanta cornos nas leiras: escribe Brais García e dirixe Rubén Pérez. Interpretan Conchi Madrina e Isabel Herrero.
