David Rodríguez Moledo, Restaurante A Mirandilla de Rinlo, Ribadeo
Bruno Perna Arnaú, Restaurante A horta da Paula, en Mondoñedo
Jesús Villarino Gavín, Restaurante Asador, en Barreiros
Jorge López, O Pazo de Tovar, Lourenzá
Michel Cociña, Casa Miranda de Burela
Alejandro Arca Uría, Arume Gastrobar de Viveiro
Waldo Jose González Redondo, Panadería Rubal, en MondoñedoA Casa do Concello de Mondoñedo acolleu esta mañá a presentación oficial da Asociación de Cociñeiros da Mariña formada por seis cociñeiros e un panadeiro. O colectivo, sen ánimo de lucro, apostará polo produto local, o da Horta de Mondoñedo, e polo consumo de Auga KMCERO.
O Goberno municipal mindoniense vai colaborar cos chefs deixando os seus locais municipais para as reunións da asociación. A alcaldesa, Elena Candia, valorou a creación desta asociación nun sector que non deixa de medrar e que se ten convertido nun atractivo turístico máis “grazas á calidade dos nosos produtos e á experiencia e bo facer dos nosos cociñeiros”, precisa.
A alcaldesa indicou que as institucións “temos que implicarnos coa xente e coas iniciativas que recoñecen e valorizan os nosos produtos. A través deste proxecto Mondoñedo pon en valor o seu pan, a súa horta e a súa auga e, o que é máis importante, o factor humano, mozos profesionais que co seu traballo sacan adiante o mellor resultado co mellor produto. O Concello de Mondoñedo sempre estará apoiando estas iniciativas, apostando polo noso, elaborado pola nosa xente”, remarca.
Os chefs lucirán ademais nos seus uniformes o distintivo dos produtos da Horta de Mondoñedo.
