Morre un home en Sarria tras sufrir un accidente co seu tractor. Os feitos tiveron lugar esta mañá, contra as once e media nunha leira do lugar de San Fiz. O corpo da vítima quedou atrapado entre a máquina agrícola e un muro. Todo parece indicar que a vítima deixou o tractor sen o freo posto, o que ocasionou o sinistro.
Segundo o servizo de emerxencias 112, os Bombeiros de Sarria desprazáronse ata o lugar dos feitos cun equipo de excarceración, pero unicamente puideron liberar o corpo xa sen vida do home.
