Un operario faleceu este mediodía na Fonsagrada tras caerlle enriba unha árbore. O suceso aconteceu no lugar de Paradanova. O falecido atopábase tallando árbores no monte cando un piñeiro lle caeu enriba.
O servizo de emerxencias 112 mobilizou ao helicóptero medicalizado con base en Santiago e alertou aos Bombeiros de Sarria que, unha vez no lugar dos feitos, comprobaron que xa nada se podía facer para salvar a vida do home.
