Unha muller faleceu hoxe tras envorcar o vehículo que conducía cando circulaba pola estrada de Begonte, dirección Friol, á altura do termo municipal lucense de Begonte. Foi un particular o que deu a voz de alarma e chamou ao CAE 112 Galicia, sobre as 08:00 horas de hoxe para pedir axuda.
Indicou que o coche estaba envorcado na cuneta e que podía haber alguén no seu interior. Así, o persoal do 112 Galicia alertou de inmediato a Urxencias Médicas, aos Bombeiros de Vilalba e aos axentes de Tráfico que chegados ao lugar, só puideron confirmar o falecemento da persoa que estaba atrapada no interior do vehículo.
