Neva na cidade dende a pasada noite, e o dispositivo de máxima intensidade que despregou a Deputación con motivo do temporal, composto por 102 operarios e 52 máquinas, está a despexar máis de 100 estradas provincias, con xeo e acumulacións de neve de ata 1 metro.
É o caso das máis de 60 vías provinciais de Folgoso do Courel, Cervantes, A Fonsagrada, Navia de Suarna e Pedrafita do Cebreiro –os municipios máis afectados- polas que durante a mañá, non se puido transitar.
Os operarios da institución tamén actúan en vías de Baleira, O Incio, Meira, Negueira de Muñiz, As Nogais, Ourol, A Pobra do Brollón, Quiroga, Ribas de Sil, Ribeira de Piquín, Samos, Taboada e Triacastela.
En total, son 111 estradas provinciais de 18 Concellos, arestora cortados ao tráfico, as que despexa o dispositivo da Deputación.
Escoitamos ao voceiro provincial socialista, Manuel Martínez:
