Presentación recollida xoguetes 2024. Fonte: Novas Xeracións de Lugo.A partir do luns, 9 de decembro, ata o 19 de decembro, venres, a sede do Partido Popular de Lugo, na rúa Poeta Cabanillas, no portal número 14, estará aberto un punto de recollida de xoguetes novos para a campaña de Nadal entre Cruz Vermella e a formación Novas Xeracións de Lugo. Como indican nun comunicado, coa proposta buscan “garantir que todos os nenos e nenas podan vivir unhas festas cheas de ilusión”.
O horario de apertura é partido, de luns a venres pola mañá, de 9:30 a 14:00 horas e, pola tarde, de 16:30 a 20:00 horas. As perspectivas para este ano, logo de superar na campaña previa a recollida de máis de 200 xoguetes, son as de aumentar o número de agasallos para as familias.
