Os novos achados arqueolóxicos na aldea Sueva de Trigás en Mondoñedo, permiten saber un pouco máis “sobre o mundo rural do século VI e así coñecer o modo de vida dos habitantes desta aldea na época sueva e, polo tanto, “saber algo máis das nosas orixes”.
A subdelegada do goberno, Isabel Rodríguez, que visitou hoxe estas escavacións, felicitou aos arqueólogos e arqueólogas, subliñando a aposta do Goberno polo coñecemento e a investigación.
Os novos achados que puido comprobar en primeira persoa durante o percorrido que comezou na igrexa de San Vicente de Trigás, son froito das escavacións arqueolóxicas do proxecto “Ecoloxías e economías locais na Alta Idade Media” (Ecoloc), financiado polo Ministerio de Ciencia e Innovación.
