GaliciaDigital (Interdix Galicia S.L.) vén de Inaugurar novas oficinas para atención ao público na Praza Maior de Lugo, no número 13, 2º dereita.
Ata o momento, GaliciaDigital levaba funcionando no número 30 da rúa das Nóreas desde a creación da empresa e do portal galiciadigital.com, hai case 25 anos. O traslado da oficina de atención ao público á Praza Maior provén do desexo de ofrecer un mellor servizo aos seus clientes e ao público en xeral,cunhas instalacións modernas, accesibles, que sigan sendo punto dereferencia e de xuntanza dos numerosos colaboradores da súa Plataforma en Internet.
Coa inauguración destas novas instalacións, a empresa reforza o seu labor informativo e de opinión a través da súa plataforma dixital, así como o seu traballo centrado no deseño e desenvolvemento web, servizo que se ve complementado con outros como rexistro de dominios, aloxamento e mantemento web, xestión de redes sociais, comercio electrónico, e todo tipo de servizos dixitais.
