Os dous equipos xogábanse puntos importantes, os de Alsina cunha importante necesitade de sumar puntos para saír dos postos de perigo e os de Milla para continuar co seu firme obxectivo de escalar puntos na tabla clasificatoria.
O encontro comezou con ambos equipos buscando o gol, coas mellores ocasións para o Lugo, máis rápidos e ambiciosos. O Llagostera matiña os seu plan de choque inicial, con dúas liñas de peche moi xuntas, buscando bloquear os espazos á área creativa do Lugo. A mellor opción do Lugo chegou nun remate á media volta de Caballero tras un centro de David López, que se estrelaba no pao. O tramo final da primeira parte ofreceu un dominio do Lugo en toda as facetas do xogo.
A segunda metade comezou con igualdade nos dous equipos e cun Llagostera máis volcado sobre a meta de José Juan a traveso dun xogo directo, onde deixaban clara a súa meta e reforzaba o seu plan coa entrada de Querol polo carril exterior. Pola contra Milla sacaba a Sergio Marcos en lugar de Campillo, e o equipo pasaba a ter tres homes no eixe da medular con Ferreiro como único xogador de banda.
Pese a todos os esforzos realizados por ambos equipos, o marcador non se viu modificado e rematou o encontro cun empate a cero, nun partido intenso e competitivo pero sen un gol decisivo.
