Os tres directivos responsables do funcionamento e atención ao Belén de Begonte están dando os últimos toques á instalación para que todo estea a punto para comezar a funcionar a finais do presente mes, en concreto abrirá ao público dende o 30 de novembro ata o 1 de febreiro de 2025, ampliando asía o seu período de funcionamento.
Carlos Torres Llamas, Jesús Veiga Sangiao (Sito) e Ramiro Cruz Gómez levan traballando desde mediados de outubro revisando a instalación, incorporando figuras e reestruturando a situación de outras para que no Belén da próxima tempada e no Museo do Belén se aprecien importantes cambios.
O Belén vai funcionar desde o 30 de novembro ata o 1 de febreiro de 2025, co seguinte Horario de visitas:
– 1 a 19 / 12 / 2024: Sábados, Domingos e Festivos, de 11,00 a 13,00 e 16,00 a 19,00.
– 20/12/2024 a 6/01/2025: TODOS OS DÍAS, de 11,00 a 13,00 e 16,00 a 19,00 h.
– 7 a 26/1/2025: Sábados, Domingos e Festivos, de 16,00 a 19,00h. Para visitas colectivas, haberá que concertar cita previa no Tfno. 610.907306. Para información sobre o Belén e as súas actividades, consultar a web https://www.belendebegonte.es
