O BNG da Pobra do Brollón ven de denunciar ante a Xunta Electoral de Zona, en Monforte, un posible delito electoral cometido dende a Oficina de Correos da Pobra do Brollón. Segundo explicou o responsable comarcal do BNG, Ricardo Rodicio, “detectamos que se comenzaba a facer un envio de propaganda do partido popular que foi depositada na oficina de correos o día 22 de maio, cando o prazo máximo extablecido para facer os depósitos de material de propaganda electoral nas oficinas de correos remataba o pasado 16 de maio”.
Dende o BNG solicítaselle á Xunta Electoral de Zona que se investigue aos responsables do envío e se abra un expediente sancionador tendo en conta que se pode tratar dunha infracción electoral. Para o BNG “é fundamental que a Xunta Electoral faga un requirimento forma a Correos para que se depuren responsabilidades ante un feito tan grave e propio de épocas predemocráticas”
