O BNG presentou hoxe a candidatura para as eleccións municipais no concello de Cospeito. Un total de 11 persoas conforman esta candidatura. “Presentámonos a estas eleccións municipais para facer de Cospeito un concello que esté ao servizo do povo, no que se cree emprego e riqueza” afirmou Iolanda García.
Segundo a candidata nacionalista “impulsaremos no concello un rural vivo, no que se potencie a actividade agraria, gandeira, económica e forestal para combater o despoboamento e crear riqueza e emprego en Cospeito” e engade “traballaremos por unha política consistente en dar servizo á veciñanza, ampliando os servizos públicos que se prestan desde o Concello e solicitando ao resto de administracións melloras nas prestacións dos servizos sanitarios, educativos, e de atención a persoas maiores, mulleres e crianzas”.
A candidatura do BNG é, en palabras de García “un equipo para gobernar, con ilusión, con capacidade e con ideas claras para facer de Cospeito un lugar mellor”. As persoas que integran esta candidatura, comprométense ademáis a realizar unha xestión democrática, eficaz e transparente, promovendo a participación veciñal nos asuntos municipais.
A lista
- María Iolanda García Cabana
- José Barreira Alonso
- María Monsterrat Santiso Bello
- Alfonso Olegario Aguiar Ballesteros
- María Isabel Teijeiro Murias
- Carlos Montero Basadre
- María José Neira Maseda
- Miguel Lozano González
- Nuria Castro Vila
- David García Iglesias
- María Fé Novo Otero
