A sexta edición do Caudal Fest, a última gran festa do verán galego, arrincará este xoves coa actuación da banda lucense Virtua Tennis no Coliving Artístico do Carme. A partir das 19:00 horas, o grupo ofrecerá un directo neste espazo cultural no que mostrarán a súa gran aposta musical, na que combinan os ritmos rotos, con cadencias hip-hop e unha base instrumental na que se mesturan as guitarras e os sintetizadores. Así mesmo, o sábado, ás 15:00 horas, o dúo de DJs lucense Galician Army actuarán nas Caldas do Miño, situadas nas inmediacións do recinto do festival, nun espectáculo que tamén contará con entrada libre.
O Caudal Fest traerá á cidade de Lugo algúns dos artistas con máis éxito do país. O venres 20 de setembro estará protagonizado por Amaral, Viva Suecia, Carlos Sadness, Varry Brava, Huecco, Karavana, Ana Lua Caiano, Xina Mora e Ramón Mirabet. Ademais, o festival engade aos galegos Carlangas y Los Cubatas e Lontreira.
O sábado 21 protagonizarán a segunda xornada do Caudal Fest os seguintes artistas: Mikel Izal, Arde Bogotá, Ginebras, Nil Moliner, Ladilla Rusa, Tu Otra Bonita, Siloé, Parkineos, e Monoulious DOP, Dani Dicostas e Querido e os lucenses Beach Avenue.
