O centro Sociocultural, Xuvenil e da Terceira Idade de Riotorto (As Rodrigas) levará o nome do poeta Avelino Díaz de forma oficial dende o vindeiro luns, 16 de maio, data prevista de celebración do nomeamento.
A dito acto, organizado polo Concello de Riotorto, foron convidados os membros da asociación cultural que leva o nome do poeta e que está a traballar para que o día das Letras do 2017 se lle dedique ao poeta.
Ademais dos membros da asociación, asistirán un gran número de autoridades entre as que se atopan Román Rodríguez, Conselleiro de Cultura, Educación e Ordenación Universitaria; Raquel Arias, Delegada da Xunta de Galicia en Lugo, alcaldes, e outras autoridades.
Este acto sumase, como xa queda dito, a outros que se están a desenvolver co fin de conseguir que a RAG lle dedique a Avelino Díaz, as Letras Galegas do 2017, cando se cumprirán 120 anos do seu nacemento.
