O Círculo inaugura a súa oferta de festas temáticas cunha festa ambientada nos anos 80 que se celebrará o sábado 25 de novembro ás 23.30 horas. O público poderá gozar de música en vivo coa actuación dos grupos Carta de Axuste e Os Parrots, que interpretarán os grandes clásicos que marcaron unha época. Soarán Mecano, Alaska, Michael Jackson, Madonna e Homes G, entre moitos outros, grandes éxitos nacionais e internacionais para gozar de música atemporal.
O Salón Rexio converterase nun espectacular escenario para mergullar aos asistentes na máxica atmosfera desta época chea de diversión e nostalxia. A xunta directiva anima a todos os asistentes a desempoar o seu mellor outfit dos 80 e acudir caracterizado ao evento.
A entrada será gratis para socios, e terá un custo de 15 euros para público en xeral. As entradas poden adquirirse nas oficinas do Círculo ata o venres 24 en horario de 11.00 a 13.00 horas e de 16.30 a 20.30 horas.
